Kim Eng badavlat

«Tamaki-sharob sultoni» bo'lmish Antoni Rupert janubiy Afrika respublikasining eng badavlat fuqarosi deb eʻlon qilindi. Yohannesburg birjasida unga tegishli bo'lgan «Rembrandt Tobakko korporetion» va «Richmond» kompaniyalarining hissalari 2,8 milliard rand ekanligi qayd etildi.Oltin qazuvchi «Anglo-ameriken korporetion of saut Afrika>> va dunyodagi olmos sotuvchi eng yirik <<Birs>> kompaniyalarining hissalari nazorat qilib turgan Garri Oppengeymer uning soyasida qolib ketdi. Bu natija esa Oppengeymerlarning so'nggi ellik yil mobaynida janubiy afrikalik badavlat sulolalar orasida birinchi marta etakchi mavqeni qo'ldan chiqarganidan dalolat beradi. Ular qo'lida bo'lgan hissalar majmui 1991 yilda 2,87 milliard randni tashkil etgandi, bu yil esa bu ulush birmuncha qisqardi va 2,35 milliard randga teng bo'ldi.Yoxannesburgda chiqadigan «Fay- nenshl meyl» jurnalining oxirgi sonida eʻlon qilingan xabarga ko'ra, 1,2 milliard rand davlati bo'lgan Donald Gordon mamlakat milliarderlari ro'yxatida uchinchi o'rinni muqim egallab turibdi. U qudratli «Liberi layf» vositachilik kompaniyasini boshqarib turgan sulolaning boshlig’idir.Elektron sanoatining darg'asi Bill Venter (635 million rand), parhez go'shti yetishtirish sanoatining yakka- hukmdori bo'lgan Metxvenlar sulolasi (486 million rand) va «Pik and pey>>> universal do'konlar tarmog'ining xo’jayini Raymond Akkerman (477 million rand) yuqorida zikr etilgan uch badavlat suloladan ancha ortda qolib ketdi.Mutaxassislarning fikricha, bunday ko’rsatkichlar sezilarli darajada nisbiy baho sanaladi, chunki Oppengeymerlar hissalardan tashqari olmoslarning son-sanoqsiz kolleksiyasiga ega bo'lsa, Rupertlar ixtiyorida elning ko'zi tushmagan nodir rasmlar jamg'armasi bor.