Yangi Ko’ylak

Nigoraga dadasi yangi koʻylak olib keldi. Qip-qizil, etaklarida, belida qora tasmalari bor, yoqalari toʻrdan. Nigora darrov kiyib koʻrdi. Shunday chiroyli, shunday chiroyliki... Dahlizdagi katta toshoynaga qaradi, gir aylandi. Gir aylansa, etaklari pir- pirak boʻldi.
-Yarashdi, qizim, yarashdi, — dedi oshxonada sabzi toʻgʻrayotgan oyisi. Nigora xursand boʻlib ketdi. Yugurib eshikning tutqichidan tutdi. Qayoqqa, qizim? -dedi oyisi.- Endi ko’ylakni yechib qoʻy. Mexmonga borganda kiyasan.
-Nigora indamay bosh siltadi.
Eshikni ochib, koʻchaga chiqdi. Koʻchada dugonasi Lola ukasini oʻynatib yurgan ekan.
- Vuy, kuylagingni!
- Lolaning koʻylakka havasi keldi..
- Dadam olib keldilar, — dedi Nigora.
- Senam Dadangga aytgin,op keladilar.
Lola bir xoʻrsinib, boshini egdi. Yur, Ravshan, - u ukasining qoʻlidan tortdi, — uyga ketamiz.
- Nigora nima qilishini bilmasdan uyiga qaytdi.
- Ha, qizim? Nima boʻldi? — soʻradi oyisi.
-Nigora indamay koʻylagini yecha boshladi.
-Koʻchada kim bor ekan?
- Lola bor ekan, «Vuy, koʻylagingni...» dedi. Men: «Dadam olib keldilar, senam dadangga aytsang, olib keladilar», desam indamay uyiga ketib koldi.
- Axir, qizim, koʻylagingni yechib kuy, dedim-ku. Maqtanchoqlik yaxshi emas. Lolaning dadasi kasal, oyisi- ning puli kam. Lola oʻrtogʻing, shunga xafa boʻlgan.
- Nigora barmogʻini tishlab, oʻylanib qoldi. Bolalar, endi sizlarga bitta savol: Nigora dugonasining koʻnglini koʻtarish uchun nima qilishi kerak? Shu savolga javob yozib yuboringlarchi, kutamiz.