Toshkentda Qoraqalpogʻiston Madaniyat

26-yanvarda Toshkentda Qoraqalpogʻiston Madaniyat kunlari ish boshladi. Bu oʻzagi, dini va tili bir, endilikda qardosh tutingan ikki turkiy urugʻning soʻnggi yillardagi eng yirik anjumanlaridan biridir. Birodarlarimiz Oʻzbekistonlik bolalarga ham ajoyib sovgalar bilan kelishibdi. 26-27-yanvar kunlari poytaxt O’ris Yosh tomoshabinlar teatrida Qoraqalpogʻiston Yosh tomoshabinlar teatri jamoasi tomonidan qiziq-qiziq spektakllar namoyish qilindi. Ulardan biri «Odamlar qanday buzilgan» deb nomlanadi.Teatr gruppasi boshligʻi Ozod Ansatboyev oʻz jamoasi haqida shunday deydi:Teatrimiz 1978 yilda tashkil etilgan. O’tgan davr ichida 40 dan ziyod Qoraqalpoq va boshqa xalqlar dramaturglarining asarlari sahnalashtirildi. Toshkentdagi bu galgi anjumanni Saylovboy Jumagulovning Odamlar qanday buzilgan» nomli asari bilan boshladik. Bu yosh dramaturgimizning ilk sahna asaridir.Qadimiy rivoyatlarga asoslanib yaratilgan ushbu spektakl tomoshabinlarga behad manzur boʻldi. Spektaklning qiskacha mazmuni shunday: Oʻtmishda Sulaymon otli podsho boʻlib, insonlarga, tabiatga va butun jonzotlarga juda mexribon ekan. Uning davrida aldoqchilik, yulgʻichlik, jabr-zulm aslo boʻlmas ekan. Hamma tinch, farovon umr kechirisharkan. Nima boʻlibdi-yu, kunlardan bir kun Sulaymon podsho oʻzga sayyoraga safar qilibdi. Soʻngra vazirlar oʻrtasida taxt talashish boshlanibdi. Osoyishtalik oʻrnini ur-yiqit, toʻs-toʻpolon egallabdi. Bundan sarosimalangan el koʻkka iltijo qilib, oʻz podshosining qaytib tushishini soʻrashibdi. Sulaymon podsho koʻkdan sado berib, vazirlariga aytibdiki, uning xazinasida 2 dona yaxshilik va yomonlik urugʻi saqlanarkan. Yaxshilik urugini ekib, koʻpaytiringlar va elga tarqatinglar, yomonlik urug’ini shunday saqlanglarki, biror joyda koʻkarmasin debdi. Uning aytganidek, el aro yaxshilik urugi tarqalibdi. Biroq bosh vazir yashirib qoʻygan yomonlik urugʻi qaygadir gʻoyib boʻlibdi. Bu ish maston kampir va sichqonning hunari ekan. Xalqning, butun jonivorlarning totuvligini koʻra olmaydigan bu ikki buzgʻunchi yomonlik urugʻini koʻpaytirib, odamlar non qilib yeydigan bugʻdoyga qoʻshib yuboribdi. Shundan buyon odamlar orasida har xil yomon ishlar paydo boʻlibdi. Biroq Sulaymon podsho odamlarni doimo tinch- totuv, halol yashashga daʼvat etar, shuning uchun ham dunyoda yaxshilik yomonlik ustidan doim g’olib kelar ekan.