Odobli Bola

Bolaning tarbiya topib odobli boʻlgani taom yemoqqa oʻtirganida xam ravshan, maʼlum boʻlur. Odobli bola taom yemoqqa oʻturganda yaxshi xulq ila oʻlturub, yaratganga shukrona aytib, taom yemoqni boshlar. Luqmani kichik olur, qoʻllaridan taom yogʻini va yo suvlarini oqizib turmas. Va har bir kishining yegan taomiga va olgan luqmasiga nazar solmas. Taom chaynar vaqtda harakatlari buzulib, o’zidan shotir-shutur ovozlar chiqib, shoshib taom yemas. Osh yemoq vaqtida katta kishilar qatorida oʻturmas. Osh yegandan soʻngra qoʻlini yuvmasdan, yogʻliq holicha biror narsani ushlamas. Va yo tahorat ushatmas, balki qoʻlini sovun va yo issiq suv birla yaxshilab yuvur. Va ogʻzini ham chayqar, undan soʻng qoʻlini har nimarsaga ursa boʻlur. Odobli bola yotur vaqtida oʻrnini yaxshilab tuzatar. Kunduzi kiyadigan pokiza kiyimlarini yechib, qoqib, taxlab qoʻyar. Undan soʻng avrati ochilmaslik ehtiyoti bilan oʻrniga kirib yotar.