ULUG’ SHOIR MEROSIGA EHTIROM

Millatimiz ma’naviyati va adabiyotining so’nmas siymolaridan biri Zahiriddin Muhammad Bobur asarlari teranligi hamda badiiy yuksakligi bilan bashariyat mulkiga aylangan. Ulug’ mutafakkirlarning ijod namunalari yosh avlodni vatanparvarlik, milliy an’ana va qadriyatlarimizga sadoqat ruhida tarbiyalaydi.
Shu bilan birga umumbashariy goyalarni ulug‘lash orqali insonlarni komillikka yetaklash, mafkuraviy immunitetni mustahkamlashda muhim ma’naviy qalqon vazifasini o‘taydi.
Shu bois, ularning adabiy merosini o‘rganish, usib kelayotgan avlodga ushbu boy xazinaning qadri naqadar qimmatli ekanligini tushuntirish muhim vazifalardan biridir.
Respublika Ma’naviyat va ma’rifat markazi hamda Milliy Gvardiya xarbiy texnik instituti bilan hamkorlikda o‘zbek mumtoz adabiyotining zabardast vakili Zahiriddin Muxammad Bobur hayoti va ijodiga bag’ishlab «Adiblar xiyoboni ma’naviyat maskani» mavzusida ma’rifiy tadbir o‘tkazildi.
Tadbirda bir guruh ma’naviyat targ‘ibotchilari, O‘zbekiston xalq artisti Muhammadali Abduqunduzov, Alisher Navoiy nomidagi o‘zbek tili va adabiyoti universiteti professori Abdulxay Sobirov, Milliy Gvardiya xarbiy texnik instituti xodimlari va kursantlari, matbuot va ommaviy axborot vositalari xodimlari ishtirok etishdi.
Dastlab kursantlar tomonidan ijro etilgan sahnya ko‘rinishlari, ulug mutafakkir qalamiga mansub g‘azallar tadbirga o‘zgacha fayz bag‘ishladi. Ishtirokchilar Zahiriddin Muhammad Bobur ijodiga bo‘lgan ehtirom, o‘lmas asarlari ona tilimizning shuhratini. beqiyos go’zalligi va nafosatini o‘zida mujassam etganini yana bir bor namoyon etdilar.