TA`QIQLANGAN JOYDA CHO’MILMANG 

Yez faslini intiqlik bilan kutgan bolajonlarimiz tezroq ta’til boshlana qolsa dam olish oromgohlarida hordiq chiqarishni hayolida rejalashtirib yurgani bor gap. Ayniqsa, bolalik yozini cho‘milishsiz tasavvur qilish kiyin. Albatta, yurtimizda pandemiya sharoitini hisobga olgan holda. Bolalikning bunday onlarini barchamiz boshimizdan o‘tkazganmiz. Do‘stlarimiz bilan yigilib, uydan yashirincha chikib anhorga ketardik. Bu damlarning o‘ziga xos gashti bor edi. Davrlar o‘tsa- da, har qanday holatda ham ehtiyotkorlik zarar qilmaydi.
Issiq kunlarda bebosh bolalarning taqiqlangan joylarda cho‘milish holatlari juda ko‘p kuzatiladi. Psixologik nuqtai nazardan qaraydigan bo’lsak, o‘g‘il bolalarning tabiatida «qilma!» degan ishni albatta, bir bor bo‘lsa ham bajarib ko‘rishga bo‘lgan ishtiyoq kuchli bo‘ladi.
Ko‘pincha suzishni bilmaslik, suzish tajribasining yo‘qligi va o‘zining jismoniy qobiliyatini inobatga olmasdan suv qirg‘og‘idan uzoqlashish yohud tajribasiga haddan ziyod ishonib, taqiqlangan suv havzalarida cho‘milish, chukish bilan bog‘liq mudhish holatlarni keltirib chiqaradi. Negaki ochiq suv havzasi doimo xavf- xatarga to‘la.
Bugungi kunda, Yakkasaroy tumani FVB tomonidan cho‘milish bilan bog‘liq favkulodda vaziyatlarning oldini olish borasida izchil islohotlar, turli chora- tadbirlar olib borilmokda. Ayniqsa, yoshlar orasida tushuntirish- targ’ibot ishlari kuchaytirilgan. Ularga turli tavsiyalar berilib, tez oqar, chumilish xavfli bo‘lgan hududlarga maxsus «chumilish taqiqlanadi» deb yozilgan belgilar o‘rnatilmoqda.
Havo haroratining ko‘tarilishi natijasida aholi salqin, suvli joylarga intiladi. Shunday vaziyatlarda biz quyidagilarga e’tibor qaratishimiz joiz:
- Suv havzalari yoniga kattalarsiz yaqinlashish;
- Notanish va taqiqlangan joylarda cho‘milish;
- O’tib ketayotgan qayiqlar yaqiniga suzib borish;
- Cheklash belgilaridan suzib o‘tish;
- Notanish joyda kalla tashlash;
- Ko‘priklar, to‘g‘onlar, qayiqlardan suvga sakrash qat’iyan man etiladi.
Oilaviy hordiq chiqarishga borganimizda albatta suvda suzish uchun maxsus qayiqlardan foydalanamiz. Bunda o‘ziga yarasha ehtiyotkorlik talab qilinadi:
- Egasiz va texnik nosoz qayiqlardan foydalanmang;
- Qutqarish va suv chiqarib tashlash vositalarisiz shuningdek, qattiq shamol bo‘lganda suzishga chiqmang:
- Suzish vositalariga texnik pasportda ko‘rsatilganidan ortiq yo‘lovchi va yuk ortish man qilinadi;
- Suv ustida bir qayiqdan ikkinchisiga o‘tmang:
- Qayiqdan suvga kalla tashlamang:
- Qayiqqa o‘tirgandan keyin joyidan turish, o‘ynash, joy almashish, chayqatish mumkin emas;
- Qayiqda odamlar chumilayotgan joyga borish mumkin emas,
- Qorong’i tushganda suzish vositalaridan foydalanmang,
- 14 yoshga to‘lmagan bolalarga kattalar hamrohligisiz suzish vositalaridan foydalanishga ruxsat etilmaydi.
Yuqorida keltirilgan ma’lumotlarga amal qilgan holda ish olib borsangiz dam olish kuningiz ko‘ngildagidek o‘tadi. Sizning tinchligingiz bizning tinchligimiz!