Tibbiy ko’rik pullikmi?

Oʼzbekiston Respublikasi Vazirlar Mahkamasi huzuridagi "Oila" ilmiy-amaliy tadqiqot markazi "Oilani demografik rivojlantirish" boʼlimi tomonidan Toshkent viloyati boshqarmasi va uning tuman, shahar boʼlimlari mutaxassislari uchun oʼquv-trening oʼtkazildi.
Unda asosiy eʼtibor, oila kurayotgan yoshlarning tibbiy kurikdan sifatli va qonuniy oʼtish masalasiga qaratildi. Chindan ham bugungi kunda boʼlgʼusi kelin-kuyovlar orasida oʼzini sogʼlom deb hisoblovchi va koʼrikdan oʼtishni ortiqcha topiladi. Qolaversa, turnaqator navbatlar, bu xizmatning bepul ekanligidan bexabarlik, baʼzida tibbiyot muassasasining hududdan olisligi bu jarayonga befark qarash holatlarini paydo qilyapti. Ortiqcha vaqt yoʼqotmaslik yoki shunchaki befarqlik bois, baʼzi nikohlanuvchilar tibbiy koʼrik xulosasini pul bilan noqonuniy olishayotgan holatlari ham uchramoqda.
Bu esa, kelajakda oʼnglab boʼlmas xatolarni yuzaga keltirayotgan vaziyatlar ham uchramoqda. Tibbiy koʼrikdan asosiy maqsad, kelajakda quriladigan oila mustahkam boʼlishiga qaratilgan. Farzandlarning sogʼlom va maʼnaviy yetuk tugilishi, oilaning bardavom va mustahkam boʼlishida, arzimasdek tuyulgan tibbiy koʼrikning ahamiyati beqiyos. Baʼzi sabab va bahonalar bilan undan oʼtmagan juftliklar birining sogʼligida muammo chiqqanda yoki farzandi nosoglom tugʼilganda afsus qilsa, unda juda kech boʼladi.
Trening davomida eʼtibor yoshlar oʼrtasida "Nikoh oldidan tibbiy kurikdan oʼtish masalalarini oʼrganish" borasidagi ijtimoiy tadqiqot orqali sohada yuzaga kelayotgan muammo va kamchiliklar, taklif va mulohazalarni oʼrganishga qaratildi.
Mazkur mavzu doirasida davra suhbati ham tashkil etilib, unda viloyat Skrining markazi, Sogʼliqni saqlash boshqarmasi, Oʼzbekiston Yoshlar ittifoqi viloyat Kengashi mutaxassislari va Nurafshon shahar imom-xatibi bu borada fikr-mulohazalarini bildirishdi. Tadbirda ushbu masala yuzasidan tegishli taklif hamda tavsiyalar berildi.