«BIR O`ZIM ISHLAYMAN»
«Sholikor» qishloq sho'rosi binosi, Ichkaridan baqiriq-chaqiriq eshitiladi.
-Hov, Zarifboy uka menga qara, uyda sakkiz jonmiz. Hammasi hali go'dak. Biri kiyim, biri qand, biri go'sht deydi. Qayerdan topaman? Talon nomi chiqqandan beri qand zotini ko'rganimiz yo'q, choy ham bir marta berildi. Sizlardan umidim katta edi, lekin hammasini bir pul etdingizlar. Ertaga tuman ijroqo'miga chiqib arz qilaman....
Bu kim bo'ldi? Ichkariga bosh suqdim. U xo'jalik traktorchisi Ismoil aka Rahimov ekan. Kechqurun Ismoil akaning uyiga yo`l oldim. Haqiqatan, uning oilasiga kishining rahmi keladi. - Ismoil aka, ahvolingizni ko`rib, nima haqda so'rashni ham bilolmay qoldim. Hammasi ayon. Qancha maosh olasiz?
- Oylikka kelsak, turli xil. Lekin shu davlat xo'jaligida ishlab, hech qachon to'la 200 so'm olib ko'rmaganman. Yolg'on bo'lmasin, don tashish, ya`ni kuzgi mavsumda zo'rg'a 326 sum oylik oldim. Oilada bir o`zim ishlayman. Mana, katta qizimga palto olishim kerak. Palto hozir ming sumdan kam emas. Oyligim esa 140 -150 bo`lsa. Ismoil akaning ayoli Qurbonoy opa Xaytimmetova ham gapga qo'shildi.
- Ertalab ovqat qilsam, o'g'lim opa, go'sht solmabsiz, yemayman degandi. Keyin kichkinam ham qo'shilib, go'sht yeyman, deb turib olsa bo'ladiimi? Nima qilishimni bilmay qoldim. Ahvolimiz shu bo'lsa, 30-40 so'mdan go'sht olishga qurbimiz yetmaydi. Axir daromad bo'lmagandan keyin hayronmiz...
- Do`kondan mahsulot olasizlarmi?
- Do'konga kelgan mahsulotlar to'g'ri taqsimlanmaydi. 18 oktyabrda Gurlan tumani ijroiya qo'mitasi raisi Baxtiyor Yusupovning oldiga kirib ahvolni tushuntirdim. Nazorat komissiyasi tuzilib, 19 oktyabrda do'konni tekshirishdi. Sentyabr oyida xalq uchun yuborilgan ikki xalta makaron dom-daraksiz ketgan. Buni sotuvchi Ikrom O'rozmetov o'zim uchun oldim, xalqqa bermadim, deb tan oldi. Uy ichini kuzataman: devor suvoqlari tushib, nihoyatda eskirgan pol taxtalarni bossangiz «g`ichir-g`ichir» etadi. Tom esa bosib qoladiganday. Yangi olingan biron buyumga ko'zingiz tushmaydi.
- Bog`dan meva- cheva qilgandirsiz! |
- Ha, bolalarning rizqi shu bog`dan. Sotishga yetmasada, har holda shu bog'dan kunimiz o'tayapti…
- Prezident farmonlaridan bu xo'jalik ma`mu riyati bexabarmi! «Navro'z» va mehr-shafqat taraddudlarini ko'rishdan maqsad shunday oilalarga yordam ko'rsatish-ku, axir.
- Shunga hayronman. Haq- huquqingni talashmoqchi bo'lsang, «g`irt ma`lumotchisan, og`rimagan boshingni og'ritma», deyishsa, ne deyin? Bunday oilalar judayam ko'p. Bu bir shingil, xolos. Xech bo`lmasa qalb so'zimiz bilan ular ko'ngliga malham bo`laylik. Hozir och qoladigan zamon emas, lekin odamlar bir-birining mehriga, Diyonatiga och qolmasin, deyman.