Ayolning ko’ngli tinch bo’lsa,oilada xotirjamlik, jamiyatda farovonlik bo’ladi.

Prezidentimiz Shavkat Mirziyoyev Oliyt Majlisga Murojaatnomasi ortda qolgan yilda amalga oshirilgan islohotlarni sarhisob qilish barobarida, joriy yilda oldimizda turgan eng muhim va dolzarb vazifalarni belgilab berdi.Quvonarlisi, ana shu vazifalar orasida xotin-qizlarni har tomonlama qo’llab quvvatlash,ularning manfaatlarini himoya qilishga ham alohida to’xtaldi.
Аslida keyingi ikki-uch yilda Hukumatimiz tomonidan ayollarga qaratilayotgan eʼtibor koʼlamini soʼz bilan taʼriflash qiyin. Jumladan, Prezidentimizning "Xotin-qizlarni qoʼllab-quvvatlash va oila institutini mustahkamlash sohasidagi faoliyatini tubdan takomillashtirish chora-tadbirlari toʼgʼrisida"gi tarixiy farmoni yurtimiz xotin-qizlari hayotida tub burilish yasadi desak, mubolagʼa boʼlmaydi. Bir bu emas, keyingi ikki yil mobaynida aynan xotin-qizlar turmush tarzini yaxshilash va oilani mustahkamlashga qaratilgan Prezidentning toʼrtta, Vazirlar Mahkamasining oltita qarori va qator farmoyish xamda chora-tadbirlar dasturi hayotga tatbiq qilindi.
Natijada minglab ayollarning turmush sharoiti yaxshilandi, yana minglab ayollarga tadbirkorligini boshlash uchun imtiyozli kreditlar berildi, yoʼldan adashgan, jinoyat koʼchasiga kirib kolgan xotin-qizlarga koʼmak va zarur imtiyozlar yaratildi. Birgina ortda qolgan yilni sarhisob qiladigan boʼlsak, maxsus komissiyaning uyma-uy yurib ahvolni oʼrganishi natijasida 245 ming nafar ishsiz xotin-qizning bandligi taʼminlandi. Bu borada ayniqsa, ogʼir turmush sharoitida yashayotgan, hayot sinovlari oldida tushkunlikka tushib qolgan ayollarga aloxida eʼtibor berildi. Аna shunday kiynalgan ayollarning 10 ming nafarini doimiy ish bilan taʼminlash maqsadida 38 milliard 261 million soʼm mablag sarflandi.
Taʼkidlash lozimki, ayolning koʼngli tinch boʼlsa, oilada baraka va xo tirjamlik boʼladi. Buning uchun esa, avvalo, ayolning oʼz boshpanasi uyi boʼlishi kerak. Аmmo koʼplab nogiron va sharoiti ogʼir oilalar buni orzu ham qilolmasdi. Prezidentimiz tashabbusi bilan arzon uy-joylar qurilishi esa ayni muddao boʼldi. Oʼtgan yili birgina xotin-qizlarni va oilani qoʼllab-quvvatlash fondi mablagʼlari hisobidan 1 ming 464 nafar ana shunday ayollarga arzon uy-joylar olishi uchun 54,6 milliard soʼm miqdorida boshlangich badal pullari toʼlab berildi.
Qolaversa, qishloq hududlarida yashayotgan xotin-qizlarimiz sharoitini yaxshilash ham alohida eʼtiborda. Ularning munosib turmush kechirishlarida "Obod qishloq" va "Obod mahalla" dasturlari muhim oʼrin tutmokda. Oʼtgan yili bu boradagi qurilish va obodonlashtirish ishlariga 3 trillion soʼm mablagʼ yoʼnaltirildi. Natijada 416 ta qishloq yangicha qiyofaga ega boʼldi. Bu degani shu qishloqlarda yashayotgan minglab ayollarning turmush sharoiti yaxshilandi deganidir.
Prezidentimiz Oliy Majlisga Murojaatnomasida: “...xotin-qizlar va yoshlarni davlat tomonidan ijtimoiy qoʼllab-quvvatlashni yanada kuchaytirish lozim.
Bu borada joriy yilda koʼrilgan amaliy choralarga qaramasdan, haligacha ogʼir turmush sharoitida yashab, ish bilan taʼminlanmagan 13 mingdan ziyod xotin-qizlar borligi achinarlidir.
Bandlik va mehnat munosabatlari vazirligi va Xotin-qizlar qoʼmitasi hududiy hokimliklar bilan birgalikda bir oy muddatda ana shunday ayollarni ish bilan taʼminlashga qaratilgan dastur ishlab chiqishi zarur.
Markaziy bank, Qoraqalpogʼiston Respublikasi, viloyatlar va Toshkent shahri rahbarlariga 2019 yilda turmush sharoiti ogʼir boʼlgan 1 ming 600 nafar xotin-qizlarni imtiyozli kreditlar asosida arzon uy-joylar bilan taʼminlash vazifasi topshiriladi", - deya taʼkidladi.
Bu esa, xotin-qizlarni har tomonlama qoʼllab-kuvvatlash va manfaatlarini himoya qilish doimo davlatimiz eʼtiborida ekanidan dalolatdir.