Hаr sohаdа fаol

Qudratova hayotda oʼz oʼrnini topgan oqila zamondoshlarimizdan. Xolisxon opani Navoiyda ko’pchilik yaxshi taniydi. Аvvallari qo’li yengil bolalar shifokori sifatida nom qozongan boʼlsa, endilikda ishbilarmonligi bilan xam eldoshlari eʼtiboriga tushdi. 1994 yili Toshkent pediatriya institutini tamomlab, dastlab Gʼijduvon tuman bolalar maslahat poliklinikasida ish faoliyatini boshlagan qahramonimiz qator yillar Zarafshon shahar bolalar poliklinikasida vrach-pediatr, keyinchalik Navoiy kon-metallurgiya kombinatiga qarashli 27-tibbiyot sanitariya boʼlimida sidqidildan ishladi.
-Shifokor boʼlsam-da, tadbirkor ayollarga yaratilayotgan shart- sharoitlarni koʼrib, havasim keldi, - deydi biz bilan suhbatda Xolisxon Kudratova. 2013 yilda aholiga savdo va servis xizmati koʼrsatish maqsadida "Jahon-biznes baraka servis" MChJni tashkil etdik. Xozir shunday tezkor zamonda yashayapmizki, bir kungina axborotdan yoki yangiliklardan bexabar qolsangiz, yutkazasiz. Kun sayin obod va goʼzal boʼlib borayotgan Vatanimiz tarakkiyotiga daxldor oʼzgarishlarni, Xolisxon opa amalda isbotlamokda. Desak yanglishmaymiz. Turmush oʼrtogʼi Shavkat Sharipov bilan toʼrt nafar farzandni voyaga yetkazib, tadbirkorlikning sir-sinoatini oʼzlashtirayotgan Xolisxon opa uyda mexribon ona, sevimli kaynona, ishda masʼuliyatli rahbar, maxallada faol tashkilotchi. Shu maʼnoda Navoiy shahridagi Umid maxallasi axli xam bu ibratli xonadonga xavas kilishadi. Inson oʼz hayoti davomida odamlarga yaxshilik qilib yashayapman, shunga yarasha hurmat- eьtibor topdim, deya olsa, shuning oʼzi katta baxtdir.
Tilagimiz, yurtdoshlarimiz orasida ana shunday fidoyi ayollarimiz safi koʼpayaversin.