Oilаmgа fаyz kirsаydi

Iroda bilan talabalik davrimizda tanishgandik. Uzoq masofani yaxshi koʼra olmaganim uchun u menga dars vaqtida koʼp yordam berardi. Munosabatlarimiz kundan-kunga yaxshilanib, oʼrtamizda sirli muxabbat paydo boʼldi. Yolgʼiz oʼgʼil boʼlganim uchun ikkinchi bosqichga oʼtganimda ota-onam meni uylantirish taraddudiga tushib qolishdi. Irodaga uylanmokchi ekanimni eshitib, qarshilik qilishmadi. Toʼyimizdan keyin Iroda uy yumushlarini joy- joyiga kuyishi, xushmuomalaligi bilan uyimizni yanada fayzli qildi. Taqdir bizni uch farzand bilan siyladi. Dunyoda bizdan-da baxtli insonlar yoʼq edi goʼyo. Endigina katta qizimizni uzatgandik. Kutilmaganda ayolim bedavo dardga chalinib koldi. Uch yil ichida uni koʼrsatmagan doʼxtiru tabiblarimiz qolmadi. Nailoj, umri qisqa ekan...
Shundan keyin oʼgʼlimni ham uylantirdim. Endi nasib kilsa, kenja qizimni ham onasi orzu qilganday, yaxshi joyga uzatish niyatidaman. Yoshim 55 da. Bogʼbonchilik bilan shugʼullanaman. 45 yoshgacha boʼlgan, uyim-joyim deydigan, oq koʼngil, befarzand yoki bitta kizi bor ayol boʼlsa, uylanmoqchiman.