QOYIL

Tursunzoda alyumin zavodining qator yillardan buyon Surxondaryo viloyatiga zahar sochayotganligi dunyoga ma`lum. Xalq noiblari Surxondaryo viloyati kengashining VIII sessiyasi nihoyat buni e`tirof etdi va Sariosiyo, Uzun, Denov va Oltinsoy tumanlarini Nosog`lom ekologik zona deb e`lon qildi.
G`amxo'rlik Bu xabarni ham Surxondaryodan oldik. O`rta asrning ulug` allomasi Abdul hakimat-Termiziy hazratlari maqbarasining devor- darmiyon qo`shnisi – harbiylar hayotida o`zgarish bo`ldi. Ular boqayotgan cho`chqalar bolalay boshladi. Maqbaraning yonida yana bir bo`linma -itxonada ham ana shunday yuksalish kutilmoqda. Bu rivojlanishga Dimog`ini dast ro`molchasi bilan bekitib hazratni ziyorat etuvchilar halaqit bermasa bas, deb xabar qiladi muxbirimiz M. Abulfayz. Ishbilarmon xonimlar, Toshkentda O`zbekiston Respublikasi ishbilarmon ayollar uyushmasi (assotsiatsiyasi) tuzildi. Unga Dildora Mahmudova rahbar etib saylandi. Toshkentda arzonchilik-Afsuski, bu iborani barcha mahsulotlarga, ayniqsa, kiyim-kechagu oziq -ovqatga nisbatan ko`plab bo`lmaydi. Ammo atirgulning bahosi chet ellardagiga nisbatan, xususan, Moskov bozoridagidan ko`ra 25 baravar arzon, deb xabar beradi xorijda chiqadigan «Trud» ro`znomasi. «ISIB KOLDIK». G`alla orol tumanidagi Saroy qishlog`ida joylashgan 36-o`rta maktab direktori T. Pirxonov tuman kengashi ijroiya qo`mitasining raisi Anorboy Tursunqulov bilan «G`alla orol» davlat xo`jaligi rahbari Quvondiq Berdiyorovga minnatdorchilik bildirdi. Negaki, tuman va homiy xo`jalikdagi ne-ne rahbarlarni ko`rgan maktab shu ikki insonning bevosita say`harakati bois rostmana isiydigan bo`ldi. Maktabga tabiiy gaz kelib, isitish tarmog`i ishga tushdi. Shunaqa, Keyingi to`rt-besh yil ichida Sirojiddin Sayyid, Yusuf Juma, Halima Ahmedova, Aziz Sand kabi shoirlarning kitoblari... iqtisod qilingan qog`oz hisobidan bosilgan. Qiziq, iqtisod qilinmaganiga nima bosishdi ekan?