Bu yil qish fasli juda tarovatli keldi.

Bu yil qish fasli juda tarovatli keldi. U o'zining gupillab yoqqan laylak qori, tarnovda oynadek ko'zni qamashtiradigan sumalaklari va toza xavosi bilan dilni quvontiradi. Ayniqsa, biz yoshlar bu faslni qorbo’ron o'ynash, chana uchish, yaxmalakda sirpanish uchun yoqtiramiz. Darsdan keyin sinfdoshlarning zavqli qiyqirig'i maktab hovlisini tutib ketadi. Ammo barcha narsaning meʻyori bo'lgani yaxshi. Bazan darsdan qaytayotganimda bolalarning mashinalarning orqasiga osilib olib sirpanayotganlarini ko'rib qolsam, qo'rqib ketaman. Ahir birdan mashina silkinib yoki orqaga yurib ketib, yohud tormoz berib, behosdan bir falokat sodir bo'lishi mumkin-ku.
Afsuski, yaqinda shunday ayanchli voqea haqida eshitib qoldim. Xolamning aytishicha, qo'shnisining o'g'li kech bo'libdiki, darsdan qaytmabdi. Havotirga tushgan onasi ko'chaga, maktabga qidirib chiqibdi. Ammo xabarini topmabdi. Hayron bo'lib, uyga kirganda telefon jiringlab qolibdi. Go'shakni olsa, shifoxonadan qo'ng'iroq qilishayotganligi maʻlum bo'ladi. O'g'li avtomobilning orqasiga osilib ketayotganida mashinaning notekis yo'lda silkinishi oqibtida qo'li chiqib ketibdi. Orqadan kelayotgan avtomobil turtib yuborib, qattik shikast yegan bolakay behush holda kasalxonaga keltirilibdi. Shifokorlarning tezkor harakati sababli u o'ziga kelgach, uy manzilini aytibdi. Aziz ukajonlarim, siz o'yinga, qishning zavjiga berilib ketib, o'zingizni xavf-xatarga qo'ymang. Tanangizga biror shikast yetishidan va ota-onangizni xavotirga qo'yishdan saqlaning