Tirband avtobusda odam ko'p.

Tirband avtobusda odam ko'p. Kim ishga, kim o'qishga shoshilgan... Bola ko'taribo’utirgan kampir yonimda turgan juvonga tinmay gapirib kelardi.
- O'zing ham noto’g’ri ish qilibsanda, bolam! Bitta uzuk o'lgurga shunchalikka bordingmi? Xozir borgandan keyin qaynonang va qaynsinglingdan uzr so'ragin-da, hech narsa ko'rmaganday ro'zg'or ishlaringni bajarib yuravergin. Ering ham ishga ko'ngli xufton bo'lib ketgandir? Axir bolang bor, shuni o'ylasangchi. Sen indamagin, o'zim eringga qo'ng'iroq qilib hammasini tushuntirib qo'yaman, xo'pmi aylanay bolam?
Juvon xomushgina bosh irg’ardi. Kampir yana gapida davom etdi......
- Yaxshisi, men to'g'ri kuyovning ishxonasiga boraman-da, o'zim u bilan gaplashaman. Kechagi dilxiraliklar uchun uzr so'rayman. Chunki, bu mening xatoyim. Sen taqinchoqlarga ruju qo'yishingga beparvo bo'lganim shu ahvolga olib kelgan bo'lsa kerak?....
-Mayli, oyijon! Unda men Nozimani olib, hozir tushib qolaman. Siz esa Maqsud akamning oldiga bora qoling. Oyijon, sizni bezovta qilganim uchun kechiring, boshqa xech qachon bunday qilmayman, deya uxlab qolgan qizalog'i bilan navbatdagi bekatda tushib qoldi.
Onasi esa... U qizginasining yo'qolgan bitta uzuk tufayli buzilib ketishi mumkin bo'lgan oilasini saqlab qolish uchun kuyovining ishxonasiga ketib borardi........ Onayizor qizining aybini xaspo'shlab, kuyovining ko'nglidagi muzni eritish uchun nima deb tavallolar qilarkin?
Nima bo'lganda ham, ular yarashib ketishsin. Arzimagan matoq deb hech kimning uyi buzilmasin, tinchi yo'qolmasin.