Mening Bardoshli onaginam

Hammamiz uchun suyukli va ardoqli otajonimiz va onajonimiz bu yil oltmish yoshdan oshdilar. Biz o'nta farzandmiz. Katta akamiz 40 yoshga kirdilar. Umr o'tib, oqqan daryo oqib ketaverar ekan. O'tgan damlarni qaytarishni esa hech kim uddasidan chiqqan emas. Faqat eslash, xotirlash bor. Yaratganga shukurki, ota-onamiz bizni halol va pokiza qilib voyaga yetkazdi, o'qitdi.
Ota bo'lib otaning, ona bo'lib onaning qadriga etdik, turmush tashvishlari ham boshimizga tushdi. Otam 35 yil tibbiyot sohasida ishladilar. El-yurt olqishini olib, halol mehnat qildilar, bizni ham shunday yashashga o'rgatdilar. Lekin har kimning o'ziga yarasha dardi, alami, armoni bor. Qarigan chog'larida otamning ko'zi ojiz bo'lib qoldi. Yaratgandan madad so'raymiz. Aytishlaricha, ko'zi ojiz odam shukuniga ham shukur qilib yashasa, u dunyoda jannatdan joy hozirlar emish, o'ziga.
Onamning sochlariga oq, yuzlariga ajin tusha boshlabdi. Qani endi ota-ona hech qachon qarimasa. Har doim yonimizda yursa. O’nta farzandni du nyoga keltirib, tarbiya berib, katta qilib joy-joyiga qo'yishning o'zi bo'lmas ekan. Biz ham farzandli bo'lib, bu narsalarni ozgina tushungandekmiz. Farzandlarning tarbiyasi ko'p jihatdan ona zimmasida ekanligi bois, onamizga juda qiyin bo'lgan....
Oilalarida onam va tog’am qolgan ekanlar. Boshqa uka-singillar turli xil kasalliklardan nobud bo'lishgan. Otalari urush yillarida vafot etganlar. Onasi esa uzoq yil to'shakda qolib, azob chekkan ekan. Onam bechora bir etak bolalaridan, oilaning tuganmas yumushlaridan qaynona-qaynotaning gap so'zlaridan qiynalsada, onasidan xabar olib kelar ekan. Oilamizda to'rtta akam katta bo'lganlar, keyin qizlar tug’ilgan.
Onam akamlar xuddi qiz bolalardek yordam berganliklarini, ro'zg'orning barcha yumushlariga qarash- ganliklarini hali ham mamnun bo’lib aytib yuradilar. Onaginam o'z onasining yotgan joylarini tozalab, ovqat edirib, yana ro'zgorga bola- chaqasining oldiga qaytgan. Na yeyishida, na yurishida halovat bo'lgan. Onasining bundoq hol-ahvolidan ich-ichidan kuyinsa, o'zining bir qiz ekanligidan, yonida ko'makdoshi, sirdoshi yo'qligidan ezilgan. Yolg'iz qiz bo'lish azoblarini tortgan. Tog'am o'qish, ish bilan ovora bo'lgan. Onam momomni tashqariga chiqarish uchun bir o'zi qiynalib, ko'tara olmay, bir amallab olib chiqib yana joyiga yotqizar ekan. Mana shu xotiralarni bizga ko'zlariga yosh qalqib, bo'g'ziga alam toshi tikilib tursada sezmasligimiz uchun mayin jilmayib aytardi. Yolg'izlik dardi qursin bolam, shuning uchun "bolalarim ko’p bo’lsin", deb xudodan sizlarni tillolarga teng qilib tilab olganman.
Tog'ang va men kunlarni ko'rgan ko'rmanglar. Sizlar Ox, onajon, onajon!!! Bunchalar bardoshli, bunchalar sabr-qanoatlisiz. Shuncha tashvishni, alam va mehnatni ko'rgan bu sochlaringiz nega oqarmasin! Hali ham biz uchun yonib-kuyib yashaysiz. Bitta singlim uchun, uni ham o'qitib uyli, joyli qilish uchun hali ham joningiz orom olgani yo'q. Otajon-onajon o'zingiz uchun qachon yashaysiz?
-Ikkovimiz ham sizlarda yashaymiz bolam. O'tib ketganimizda ham bir-birlaringda otang va meni ko'rasizlar. Doimo sizlar bilan birga bo'lamiz, deydi mushtipar onam Men bilgan onam tengi ayollarning
ko'pchiligi ham hali-hanuz bolam, deb yashab kelmoqda. O'zlari uchun yashashni o'ylamaydilar. Inson o'zi uchun yashashni ham bilishi kerak ekanligini bizning soddadil, oqko'ngil, jafokash, farzandi uchun jonini ham ayamaydigan onajonlarimiz bilishmaydi, buni o'ylashmaydi ham. Eh, onajon, onajon, farzandlari deb yashayotgan onajonim. Sochlarini oq, yuzlarini ajin bosgan onajonim! Sochlaringizni oqartirgan, yuzingizga ajin solgan biz farzandlaringiz emasmi? Sevinsak sevinchimizga sherik, kuyinsak bizdan xam yuz chandon ortiq kuyingan jannati onajonim. Iloyo umringiz uzoq bo'lsin. Avvalo otamiz uchun, bizning kelajagimiz uchun juda-juda keraksiz. Tunlari uxlamasdan katta qilib, bor qiyinchiliklarni ko'rib bo'ldingiz, endi rohat-farog'atini ko'ring. Bir o'zingiz hammamiz uchun keraksiz. Bugungi kunda ko'zlari ko'rmay qolgan otamizning bir kuniga xech birimiz yaray olmaymiz. Qarigan chog'ingizda bu ham sizga yaratganning imtihonidir yuragingiz qanday keng, bardoshingiz tog. Otamning bir soniya xafa bo'lib o'tirgan damlarini ko'rib qolsam, o'zimni yo'qotib, ko'zlarimga dunyo qorongulikdan iborat bo'lib qoladi. Otamga, sizga ming rahmat, ming bor taʻzim Onajon. Bu yil muchalingiz, oltmish yoshga kirdingiz. Xudodan so'raganimiz, qolgan umrin- gizni rohat-farog'atda, farzand-nevara, chevara evaralaringiz ardog'ida o'tkazing. Yanagi muchalingizni nishonlashga ham yaratganning o'zi umr bersin. Baxtimizga sog' va salomat buling onajon!