Qаytа Tirilgаn odаm

Bu voqea Surxondaryo viloyati, Uzun tumani, Qorabayli jamoa xoʼjaligining Fayziobod qishlog’ida yuz bergan ekan. Buni men ga Аmirqul Raxmonov aytib berdilar
- Usha paytda 10 yoshlardagi bola edim. Mardon togʼam 52 yoshlarida vafot etdi. Biz uni soʼnggi manzilga kuzatdik. Odatimiz boʼyicha qarindosh-urugʼlar qabristondan uch kungacha xabar olishi kerak edi. Ikkinchi kun ular qabristonga borishsa, togʼam Uning qabridan ingragan ovoz eshitilibdi. Kichkina togʼam darhol uyga borib, ust bosh olib kelibdi va oʼlgan togʼamni chiqarib olishibdi. Tog’am uyga qaytgach, butun qishloqqaa duv-duv gap tarqalibdi. Koʼpchilik hayratdan yoqa ushlabdi. Tog’amning bu hayotga qaytish sirini tengkur joʼralari bilib olibdi. Аytishlaricha, togʼam u yoqda yettita eshik quribdi. Eshiklarni bir-bir ochib yettinchi eshikka kelsa, u yerda koʼp odamlar bor ekan. Oppoq soqolli kishi tog’am bilan savol-javob qilib, "Sen endi oʼn toʼrt yildan soʼng kelasan", deya orqasiga qaytarib yuboribdi. Oʼsha vaqtda togʼam ikki oycha betob boʼlib yotib qolgan edi. Togʼam judayam xushmuomala, shirinso’z boʼlib koldi. Qishloq ahli ularning duosini olishga, bir zumgina boʼlsada suhbatini tinglashga oshiqishardi. Xash pash deguncha oradan oʼn toʼrt yil xam oʼtdi. Togʼam endi rostdan xam oʼlishlarini sezdilar shekilli, qishloqdoshlaridan rozi-rizolik ola boshladi. Koʼp oʼtmay togʼam, 66 yoshida vafot etdi.