Ayolning Ko’ngli bo’linmasin

Hurmatli tahririyat xodimlari! Ochigi, gazeta-jurnallarga yozib, nom chiqarishga ishqibozlik joyim yo’q. Lekin keyingi vaqtlarda ayrim matbuot nashrlarida qo’shxotinliklarning ayb yoki ayb emasligi haqida munozarali maqolalar tez-tez ko’rinib qolayotgani sababli xat yozishga ahd qildim. Albatta, har kim istalgan voqea-hodisaga o’ duyoqarashi, o’lchamidan kelib chiqib baho beradi. Lekin, menimcha, qo'shxotinlilik masalasida deyarli barcha ayollarning fikri bir joydan chiqsa kerak. Chunki ayol uchun er, farzandlar, demakki, oiladan muqaddas, aziz narsa yo’q.
Jumladan men uchun ham. Hozir hayotimdan noliydigan yerim yo’q. Turmush o'rtog'im yaxshi dlam, farzandlarimiz ham izmimizdagi esli-xushli bolalar. Har kuni yaxshi niyat bilan ishga jo'nab, bir olam sog’inch, tashvishlar bilan oilaga qaytaman. Tashvishlarki, ularning bari shirin, oilani yanada totuvroq qilish borasidagi o’y-fikrlar.Endi tasavvur qiling. Ana shunday yaxshi niyatlar bilan uyga kelsangu, o’sha kuni turmush o’rtog’ing kechiksa yoki mutlaqo kelmasa... Yoki bo’lmasa sen uning boshqa uyda yana bir oilasi borligini bilsang. U erda xam farzandlari kutayotganidan xabardor bo’lsang, Ahir, bu qanday bo’ldi! Ayolning, yaʻni mening ko’nglim buzilmaylimi? Shu tobda o’zim uchun aziz bo’lgan odam boshqa birov bilan xuddi menga bo’lgan- dek munosabatda bo’layotganini o’ylab ko’nglim yozilmaydimi? Bunday ahvolda men qanday qilib usha erimga, farzandlarimga shirin muomalada bo’la olaman! Turmush o’rtog’imning menga ko’ngli yarimligi dilimni vayron qilib, oilamga darz tushirmaydimi! Har holda, men bunday ahvolga tushishni mutlaqo istamasdim. Nafaqat o’zimning, boshqa ayollarning ham boshiga bunday kun tushmasin. Toki, biz ko’nglimiz tinch, xotirjam bo’lib, bor mexrimizni oilamizga bag'ishlash imkonidan mahrum bo’lmaylik.