Iqtisod Fanlari doktori, professor Madaminbek Ermatov 70 yoshda

By Toshkent avtomobil …, in 1996

Muhtaram domlamiz Toshkent temir yo'llari injenerlarini tayyorlaydigan institutni bitir gach, O'zbekiston temir yo’llarida muhandis, so’ngra Toshkent shahar yuk tashuvchi avtotransport trestida rahbar lavozimida ishladilar. 1960 yilda O'zbekiston Fanlar akademiyasi qoshidagi hisoblash markazli mexanika institutiga, aspiranturaga kirib, respublikada birinchi bo’lib iqtisodiy kibernetika yo’nalishidagi fan nomzodi ilmiy darajasini oldilar. 1970 yilda bu soha bo’yicha doktorlik dissertasiyasini yoqladilar. Tez orada professor unvoniga sazovor bo'ldilar. Hozirgi kunlarda ham domlamiz kibernetika institutida makroiqtisodiy muammolar laboratoriyasining yetakchi ilmiy xodimi sifatida mehnat qilayaptilar.Ilmiy faoliyatlari davomida domlamiz ko'plab maqolalar, monografiyalar chop ettirib, fan va ishlab chiqarish rivojiga katta hissa qo'shdilar. Tarbiyalagan shogirdlaridan qirqqa yaqini fan nomzodi, uchtasi fan doktori. To’rt o’g’illarining hammasi oliy maʻlumotli: injener, fan nomzodi, tarjimon, iqtisodchi. Umr yo’ldoshlari bilan qo'sha qarib, tabarruk ota-ona, bobo va momo bo’lib yurishibdi.Domlamizning insoniy xislatlari ham yoshlarga ibrat bo’lgulik: quvnoq lik, yumor, halollik odamlar bilan munosabatni hamisha yaxshi tutishda muhim omillardan ayrimlari xolos.Domlamiz yetmishga kirgan bo'lsalar ham hali baquvvatlar, ijodiy faoliyatni susaytirmasdan kelyaptilar.Ustozimiz Madaminbek akaga uzoq umr tilaymiz, fanimizga hissa qo’shishda, yana ko'p shogirdlar yetishtirishda sabru bardosh, matonat tilaymiz.